Kryeministri Edi Rama shpërndau në rrjetet sociale një fotografi të realizuar gjatë Forumit të Paqes në Paris, ku shfaqet mes udhëheqësve të pranishëm në aktivitet.
“Foto e ditës”, shkroi Rama përkrah imazhit, ku bisedon me presidentin e Francës, Emmanuel Macron, dhe presidentin ukrainas, Volodymyr Zelensky.
Në plan të parë të fotografisë shihet kryeministri i Kosovës, Albin Kurti.
Rama mori pjesë në edicionin e 6-të të Forumit të Paqes në Paris, ku paraqiti një propozim me tri pika lidhur me konfliktin Izrael-Hamas, i cili ka tronditur Lindjen e Mesme dhe gjithë botën.
Burimi: www.albeu.com
