Një grup protestuesish u mblodh këtë të shtunë përpara Kryeministrisë. Disa prej tyre hodhën gurë drejt Kryesisë së Kuvendit. Pas këtij episodi, policia ndërhyri dhe shoqëroi disa prej tyre.
Megjithëse ishte paralajmëruar një protestë kombëtare, thirrjes iu përgjigj vetëm një numër i vogël qytetarësh.
Marshimi dhe incidentet
Protestuesit u grumbulluan fillimisht rreth orës 14:00 pranë Ministrisë së Arsimit. Pasi qëndruan për rreth 2 orë, ata nisën marshimin nëpër disa zona të kryeqytetit.
Gjatë marshimit, disa protestues, mes tyre edhe të maskuar, vazhduan me akte vandalizmi. Që në fillim dogjën kosha mbeturinash, por nuk u ndalën aty.
Në zonën e “21 Dhjetorit”, disa protestues goditën me leva hekuri dhe objekte të forta tabelat dhe stacionet e autobusëve.
Lajm në përditësim…
Burimi: shqiptarja.com
