Pasi kryeministri Albin Kurti foli për Lojërat Mesdhetare 2030 dhe rrezikun e humbjes së organizimit të tyre nga Kosova, duke aluduar te kryetari i Prishtinës, Përparim Rama, se nuk po e ka “lehtë” të shtyhet me dikë që “nuk bën mirë” dhe se bashkëpunimi nuk është i mirë me Komunën e Prishtinës.
Për këtë deklaratë ka reaguar Rama, i cili tha se arsyeja pse është anuluar takimi me Komitetin Ndërkombëtar të Lojërave Mesdhetare është përgjegjësia e Qeverisë së Kurtit, që nuk i ka kryer pagesat, nuk i ka dërguar emrat e delegacionit dhe nuk i ka kthyer email-et.
Postimi i Ramës
Kryeministër, paske provuar t’i bartësh Prishtinës fajin për dështimin e mundshëm të “Lojërave Mesdhetare”!
Në komunikimin e fundit, “Komiteti Ndërkombëtar i Lojërave Mesdhetare” thotë se takimi është anuluar për këto arsye:
1. Pagesa nuk është kryer.
2. Emrat e delegacionit nuk janë dërguar.
3. Nuk jeni përgjigjur në email-et.
Kush duhej t’i bënte këto?
1. Qeveria.
2. Qeveria.
3. Qeveria.
Ështe kaq e thjeshtë.
Burimi: www.gazetaexpress.com










