Kryeministri Edi Rama ndodhet në Paris për Forumin e Paqes, i cili zhvillohet për dy ditë (10-11 nëntor). Këtë vit fokusi i forumit është te qeverisja efektive, e cila konsiderohet një nga kushtet kryesore për paqe të qëndrueshme dhe stabilitet.
Fjalim në sesionin “Spotlight”
Rama do të marrë pjesë në sesionin e posaçëm në formatin “Spotlight”, ku do të flasë për perspektivën evropiane dhe rëndësinë e procesit të anëtarësimit në Bashkimin Evropian për brezat e rinj.
Seanca Plenare
Kryeministri do të jetë gjithashtu pjesë e Seancës Plenare të Forumit të Paqes, me temën “From Sovereignty to Cooperation”, e cila do të trajtojë dimensione të ndryshme të bashkëpunimit ndërkombëtar.
Rama arriti në Paris të hënën në mbrëmje, ku u prit në Pallatin Elize nga presidenti Emmanuel Macron.
Burimi: shqiptarja.com
