Një përplasje verbale ndodhi përpara Zyrës së Kryeministrit mes kryetarit të Sindikatës së Pedagogëve, Aleksandër Kovaçi, dhe drejtoreshës së MIA-s, Manjola Hasa.
Kovaçi i kërkoi Hasës të largohej nga zona, duke e akuzuar praninë e saj si shkak për rritjen e tensioneve dhe provokim të protestës.
“Largohu nga këtu, sepse po provokon protestën,” i tha ai përfaqësueses së qeverisë, e cila kishte shkuar atje për të dorëzuar një ftesë për dialog.
Pas përplasjes verbale me kryetarin e Sindikatës së Pedagogëve, Manjola Hasa u zhvendos në një zonë tjetër pranë Zyrës së Kryeministrit, ku vazhdoi të qëndronte jashtë ndërtesës.
Burimi: www.albeu.com
