Deputetja e Partisë Socialiste, Elisa Spiropali, ka bërë të ditur në mënyrë publike se faqja e saj zyrtare në rrjetin social Facebook është bllokuar.
Ky lajm vjen pak pas disa deklaratave dhe shkrimeve të saj kritike, ku ndër të tjera i ishte drejtuar hapur kryeministrit Edi Rama duke i kërkuar të “hapë krahun” për të zgjidhur krizën politike në vend.
Nëpërmjet një mesazhi të postuar në profilin e saj zyrtar në Instagram, Spiropali konfirmoi mbylljen e faqes dhe sqaroi se po ndërmerren hapat teknikë me kompaninë Meta për ta rikthyer atë:
“Të dashur miq
Prej tre ditësh, faqja ime zyrtare në Facebook është e bllokuar. Po punojmë ngushtë me Meta-n që ta rikthejmë sa më shpejt.
Për të gjithë ju që keni tentuar të më shkruani, deri në njoftimin e radhës, mund të më kontaktoni drejtpërdrejt këtu në Instagram.
Faleminderit për mirëkuptimin dhe mbështetjen tuaj!”
Burimi: sot.com.al
