Ministrja e Kulturës dhe Turizmit, Saranda Bogujevci, ishte e pranishme mbrëmë në ceremoninë e hapjes së edicionit të këtij viti të Austrian Film Nights, i cili po zhvillohet në Kino ARMATA në Prishtinë.
Hapja e Austrian Film Nights në Prishtinë
Në këtë ngjarje morën pjesë gjithashtu ambasadori i Austrisë në Kosovë, Georg Schnetzer, si dhe deputetja Arbërie Nagavci.
Programi nisi me dokumentarin “The Last Ambassador”, me regji të regjisores austriake Natalie Halla. Ky film paraqet historinë e Manizha Bakhtarit, ambasadore e Afganistanit në Austri, dhe përqendrohet në angazhimin e saj për të drejtat e grave dhe vajzave në Afganistan.
Tri filma austriakë në Prishtinë
Austrian Film Nights organizohet nga Ambasada e Austrisë në Kosovë dhe, përmes tre filmave, synon t’i prezantojë publikut histori dhe tema të ndryshme që nxisin reflektim, duke sjellë një pjesë të kinematografisë austriake në Prishtinë./KultPlus.com
Burimi: kultplus.com
