Lamine Yamal u dha tifozëve 100 palë kufje Beats, duke përmbushur premtimin që kishte bërë para Kupës së Botës. Veprimi i sulmuesit të Barcelonës tërhoqi vëmendje të madhe në rrjetet sociale.
Futbollisti 18-vjeçar kishte thënë se do të shpërndante kufjet nëse Spanja fitonte Kupën e Botës. Pas triumfit të përfaqësueses spanjolle, ai e realizoi premtimin dhe publikoi një video të gjithë aksionit në kanalin e vet në YouTube.
Takimet me tifozët në qytet
Me miqtë dhe një kushëri pranë, Yamal përshkoi me veturë rrugët e qytetit. Ai postonte në Instagram vendndodhjen e tij, duke u dhënë tifozëve mundësinë ta takonin.
Një takim që spikati në video ishte ai me dy të rinj, të cilët në fillim nuk e kuptuan se kush po u fliste nga vetura. Yamal hapi xhamin e pasmë dhe i pyeti nëse njihnin ndonjë restorant aty pranë ku mund të darkonte në qetësi.
Pasi mori sugjerimin e tyre, futbollisti u dhuroi nga një palë kufje secilit, duke u shpjeguar se po i shpërblente për informacionin. Të habitur nga gjesti dhe takimi i papritur me yllin e Barcelonës, të rinjtë bënë edhe fotografi me të.
Ndalesa në park
Gjatë xhiros nëpër qytet, Yamal ndaloi gjithashtu pranë një grupi fëmijësh në park. Pasi bisedoi me ta, u dha katër bileta për një ndeshje të Ligës së Kampionëve.
Burimi: www.albeu.com
