Kalo te përmbajtja

Lajme të shpejta, të verifikuara dhe të paanshme

Lajm i fundit
Sport

Trump thotë se kaosi në aeroportet amerikane vjen nga teknologjia e vjetër

Trump thotë se kaosi në aeroportet amerikane vjen nga teknologjia e vjetër
Foto: reporteri.al

Presidenti i Shteteve të Bashkuara të Amerikës, Donald Trump, ka fajësuar pajisjet e vjetra teknologjike për ndërprerjen masive të fluturimeve që ndodhi të premten në të gjithë vendin.

Deklarata e Trumpit para udhëtimit

Duke folur të hënën para gazetarëve jashtë Shtëpisë së Bardhë, para nisjes për në Azi, Trump tha se problemi u shkaktua nga pajisje të vjetruara, të cilat sipas tij kishin pësuar një lloj kolapsi.

“Ajo që patë të premten ishte pajisje shumë, shumë e vjetër që pësoi një sulm në zemër”, deklaroi Trump.

Ndalimi i fluturimeve dhe pasojat

Ndërprerja ndodhi pasi Administrata Federale e Aviacionit (FAA) urdhëroi ndalimin e fluturimeve në të gjithë SHBA-në, për shkak të problemeve në sistemet e komunikimit dhe radarit të kontrollit të trafikut ajror.

Ndalimi zgjati më shumë se katër orë dhe shkaktoi anulimin e mijëra fluturimeve, duke lënë një numër të madh udhëtarësh të bllokuar në aeroporte.

Autoritetet amerikane kanë bërë të ditur se sistemet e vjetra ishin mbingarkuar nga teknologjia e re që po instalohej, ndërsa hetimet për shkaqet e sakta të ndërprerjes po vazhdojnë.

Burimi: insajderi.org

Të fundit Të gjitha