Adriano Galliani ka paraqitur kandidaturën e tij për president të Federatës Italiane të Futbollit (FIGC), nëpërmjet një përfaqësuesi, sipas informacioneve të siguruara nga agjencia ANSA.
Kandidatët dhe dokumentet
Një ditë më parë, Giovanni Malago, komisioneri aktual i FIGC-së, kishte dorëzuar edhe ai dokumentet e kandidimit për drejtimin e federatës. Asambleja zgjedhore është caktuar për 14 dhjetor.
Sipas ANSA, edhe presidenti i Lazios, Claudio Lotito, ka paraqitur kandidaturën, por jo për presidencën, por për postin e këshilltarit federal. Lotito kishte qenë anëtar i këshillit deri në shkurt të vitit 2025 dhe shkoi në selinë e federatës në Via Allegri për të dorëzuar dokumentet përpara asamblesë.
Asambleja zgjedhore
Në asamble, grupet përbërëse të federatës do të zgjedhin presidentin e ri mes dy kandidatëve: Giovanni Malagos, të nominuar nga Serie A, dhe Adriano Gallianit, që mbështetet nga AIC dhe AIAC.
Burimi: www.albeu.com
