Vargut të reagimeve ndaj Jona Krasniqit, banores së Big Brother VIP Kosova 5, i është bashkuar edhe këngëtari Drilon Jahdahuti.
Përmes një postimi në Instagram, ai ka rikthyer në vëmendje një përvojë personale nga rreth gjashtë apo shtatë vjet më parë, duke pretenduar se edhe ai vetë kishte qenë objekt bullizimi.
Komentet për “Reja e nanës tem”
Driloni tregon se në atë periudhë u përball me komente fyese për këngën e tij “Reja e nanës tem”. Ai pretendon gjithashtu se Jona dhe disa vajza të tjera kishin ndikuar edhe në mbylljen e llogarisë së tij në Instagram.
“Le që u kallxu bullizuese sot live në TV, po qikjo qike me qat grup s’ka lon gjo pa than për kangën tem”, ka shkruar ai, duke shtuar se kënga në fjalë sot numëron afro nëntë milionë klikime.
Këngëtari e ka përmbyllur reagimin me shpresën që Jona të reflektojë për veprimet e saj.
Bashkëpunimi i ri me Beslirën
Krahas këtij reagimi, që ka marrë vëmendje në rrjet, Driloni ka edhe projekte të reja muzikore. Pikërisht sot, ai dhe Beslira kanë publikuar bashkëpunimin e tyre më të ri, të titulluar “Dy xheloza”.
Kështu, Drilon Jahdahuti është rikthyer në vëmendje si me rrëfimin për një përvojë të së kaluarës, ashtu edhe me projektin e tij më të fundit muzikor. /Prive By LS
Burimi: privebruto.com
