Ministria e Shëndetësisë dhe Instituti Kombëtar i Shëndetësisë Publike të Kosovës informojnë qytetarët se vaksinat kundër gripit sezonal kanë mbërritur dhe se shpërndarja e tyre në të gjitha Qendrat Kryesore të Mjekësisë Familjare ka nisur sot.
Procesi i vaksinimit do të nisë pas përfundimit të shpërndarjes së vaksinave në QKMF dhe njësitë e tyre.
Për hollësi rreth nisjes së vaksinimit, qytetarët mund të drejtohen në institucionin më të afërt të kujdesit parësor shëndetësor në komunën e tyre.
MSH dhe IKShPK i bëjnë thirrje popullatës të vaksinohet kundër gripit sezonal, sidomos personave që bëjnë pjesë në grupet me rrezik të lartë.
Grupet që rekomandohet të vaksinohen me përparësi janë:
•Personat mbi 65 vjeç;
•Personat me sëmundje kronike, përfshirë sëmundjet e zemrës, mushkërive, diabetin, sëmundjet e veshkave dhe ato që dobësojnë sistemin imunitar;
•Gratë shtatzëna;
•Fëmijët me sëmundje kronike dhe ata që kanë indikacion për vaksinim sipas rekomandimeve shëndetësore;
•Personat që jetojnë në institucione të kujdesit afatgjatë;
•Profesionistët shëndetësorë dhe personat e tjerë që ofrojnë kujdes shëndetësor.
Vaksinimi kundër gripit sezonal rekomandohet edhe për qytetarët e tjerë që dëshirojnë të vaksinohen.
Vaksinimi është një nga masat më të rëndësishme për mbrojtjen nga gripi sezonal dhe për uljen e rrezikut të komplikimeve, formave të rënda të sëmundjes dhe shtrimit në spital.
Burimi: insajderi.org
