Përmes një statusi në rrjetet sociale, këngëtari Endri Prifti i është drejtuar me një apel kryeministrit Edi Rama që të largohet nga qeverisja, duke e akuzuar atë se ka dështuar në administrimin e shtetit.
Ai ndaloi te protesta e të rinjve dhe theksoi se ata nuk janë ngritur pa arsye, por kërkojnë një të ardhme më të mirë në Shqipëri.
Ai vuri në dukje edhe ikjen e të rinjve drejt vendeve të tjera, duke treguar se edhe djali i tij është larguar një muaj më parë, sepse nuk shikon asnjë perspektivë këtu.
Prifti i kërkoi Ramës të mendojë seriozisht për kërkesat e studentëve dhe të bëjë llogaritë nëse pagat dhe kushtet që ofron vendi janë të mjaftueshme për gjeneratën e re.
Në vazhdim të mesazhit, Prifti u shpreh se i biri është larguar sepse nuk ka të ardhme në Shqipëri. Ai e ftoi kryeministrin të dëgjojë qytetarët dhe t’u hapë rrugën, me bindjen se me këtë qeverisje nuk mund të përballohet dhe tashmë ka dështuar. Sipas tij, rinia nuk është ngritur pa shkak, sepse llogaritë nuk i dalin. Këngëtari i sugjeroi Ramës të marrë një laps dhe të bëjë llogaritë sikur djali i tij të ishte student, pasi shifrat nuk përputhen. Sa i përket çështjeve të drejtësisë, Prifti tha se prej pesë vitesh është në pritje të saj: shtëpia i është shitur dhe ende nuk ka marrë drejtësi, me pretendimin se të gjithë ishin të korruptuar dhe ai kërkoi ndihmë.
Burimi: www.albeu.com
