Kreu i grupit parlamentar të Partisë Socialiste, Taulant Balla, ka mohuar mundësinë që kryeministri Edi Rama të japë dorëheqjen ose që të mbahen zgjedhje të parakohshme, megjithëse studentët protestojnë prej dy javësh duke kërkuar largimin e tij nga pushteti.
Deklarata e Taulant Ballës
Në një prononcim për gazetarët, Balla theksoi se Rama ka përkrahjen e plotë të grupit parlamentar socialist dhe të votuesve të Partisë Socialiste, duke shtuar se shumica qeverisëse synon të vazhdojë punën deri në arritjen e objektivave të saj.
“Edi Rama është zgjedhur më 11 maj të vitit 2025 kryeministër i Shqipërisë, ka gjithë mbështetjen e grupit parlamentar të PS-së dhe të 862 mijë votuesve”, deklaroi Balla.
Gjithashtu, Balla u shpreh kategori kundër mundësisë së zgjedhjeve të parakohshme, duke theksuar se Partia Socialiste do të vazhdojë mandatin e saj qeverisës. “PS-në e keni këtu dhe do të jetë këtu derisa të realizojë Shqipërinë 2030. S’ka zgjedhje të parakohshme”, përfundoi Balla.
Burimi: kohajone.com
