Sipas mediave italiane, tre persona kanë depërtuar me dhunë në Pallatin Mbretëror të Venaria Reale, afër Torinos, dhe kanë marrë 26 orë xhepi që datojnë nga shekulli i 18-të. Vlera e përgjithshme e tyre përllogaritet të jetë rreth 150 mijë euro.
Ngjarja ka ndodhur gjatë natës mes së dielës dhe të hënës, sipas asaj që raporton Ilsole24ore.
Pallati Mbretëror i Venaria Reale është një ndër rezidencat historike të dinastisë Savoja dhe gjendet disa kilometra larg qytetit të Torinos.
Prej vitit 1997, ky monument është pjesë e Listës së Trashëgimisë Botërore të UNESCO-s.
Burimi: euronews.al
