Japonia ka nisur një ekspeditë kozmike me destinacion Phobosin, një nga dy satelitët natyrorë të Marsit. Qëllimi është grumbullimi i mostrave të pluhurit nga sipërfaqja e tij dhe transportimi i tyre në Tokë për studime shkencore.
Misioni, i quajtur Mars Moons Exploration, drejtohet nga Agjencia Japoneze e Eksplorimit Hapësinor. Për këtë sipërmarrje është ndërtuar një sondë hapësinore pa ekuipazh, e cila lëshohet në hapësirë me anë të një rakete dhe do të realizojë hulumtime shkencore pa praninë e astronautëve.
Parashikohet që sonda të arrijë afër Marsit në vitin 2027, ku do të ekzaminojë të dy satelitët e tij, Phobosin dhe Deimosin. Në fillim ajo do të vëzhgojë Deimosin, për t’u fokusuar më pas te Phobosi, ku synon të grumbullojë mostra nga sipërfaqja.
Nëse gjithçka zhvillohet sipas parashikimeve, kapsula që do të mbajë mostrat pritet të kthehet në Tokë në vitin 2031. Ky do të përbënte një arritje të rëndësishme shkencore, pasi do të bënte të mundur për herë të parë analizimin në laboratorë tokësorë të materialit të marrë nga një prej hënave të Marsit.
Një nga synimet kryesore të misionit është të sqarojë misterin e origjinës së Phobosit dhe Deimosit./abcnews.al
Burimi: abcnews.al
