Federata e Futbollit e Kosovës (FFK), në bashkëpunim me sponsorin zyrtar të Superligës, Albi Mall, ka vazhduar traditën e dhënies së çmimit “Ylli i Javës”, i cili i ndahet futbollistit më të dalluar të çdo raundi në Albi Mall Superligë.
Pasi u mbyllën ndeshjet e raundit të dhjetë, ky vlerësim iu dha lojtarit të FC Prishtina, Rin Ahmeti.
Ahmeti ishte figura kryesore në fitoren e rëndësishme të ekipit kryeqytetas në transfertë ndaj FC Ballkanit në Suharekë, duke shënuar golin vendimtar të takimit.
Goli i tij i solli FC Prishtinës tri pikë shumë të vlefshme në kampionat, ndërsa performanca e tij e përgjithshme ishte një kontribut i çmuar për suksesin e skuadrës.
Vendimi për këtë çmim “Ylli i Javës” është marrë nga Komisioni i Veteranëve të Futbollit.
Burimi: www.albeu.com
