Prishtina disponon tani një ambient të ri të dedikuar për artin, teatrin dhe veprimtaritë kulturore. “Stacioni kulturor”, i krijuar nga Artpolis nën udhëheqjen e regjisores së mirënjohur Zana Hoxha, ka për qëllim të kthehet në një vend takimi për artistët, komunitetin dhe publikun e çdo grupmoshe.
Në një bisedë të shkurtër me IndeksOnline, Hoxha ka ndarë hollësi mbi idenë për ngritjen e këtij ambienti, rrugën deri në materializimin e tij dhe objektivat për të ardhmen e “Stacionit kulturor”.
Ideja u ngjiz nga nevoja për një hapësirë ku artistët të kenë mundësinë të krijojnë, të paraqesin punën e tyre dhe të takohen me publikun. Sipas Hoxhës, Prishtinës i ka munguar një vend i tillë, ku jeta kulturore të zhvillohet përgjatë gjithë ditës dhe ku komuniteti të marrë pjesë në mënyrë aktive në aktivitetet artistike.
Burimi: indeksonline.net
