Për një kohë të gjatë, xhinset e bardha janë mbajtur si veshje karakteristike e stinës së verës, mirëpo tani po rrëzohet edhe mendimi që xhinset blu të hapura janë vetëm për atë periudhë. Së fundmi, personalitetet e modës po dëshmojnë se ato mund të përdoren pa problem edhe në vjeshtë e dimër, mjafton t’i përputhni me copëzat e përshtatshme.
Hailey Bieber, Ayo Edebiri dhe Sabrina Carpenter i kanë shoqëruar xhinset e tyre blu të çelëta me lloje të ndryshme këpucësh, duke nisur nga ato me taka e deri te çizmet e shkurtra me takë. Kohët e fundit, modelja Elsa Hosk prezantoi një kombinim që, sipas mendimit të saj, funksionon shumë mirë: këpucët e rrafshta të tipit balerinë, me dy ngjyra.
Në disa imazhe të postuara në story-t e llogarisë së saj në Instagram gjatë javës së shkuar, Hosk paraqitet me një xhaketë lëkure ngjyrë kafe, të shtrënguar në bel, bashkë me xhinse blu të çelëta me bel të lartë. Pamjen e kompletoi me një çantë të madhe kafe dhe këpucë balerinë në tone bezhë e kafe.
Edhe këpucët e zeza, kafe ose bezhë do të përshtateshin me këtë kombinim, por përzierja e dy ngjyrave i dha veshjes më shumë personalitet dhe finesë. Kontrasti midis nuancave e bëri veshjen e përditshme më tërheqëse, ndërsa maja e mprehtë dhe pjesa e sipërme e prerë më lart u japin këpucëve një pamje bashkëkohore.
Burimi: anabelmagazine.com
