Jay-Z mund të jetë ylli që do të ngjitet në skenën e shumëpritur të pjesës së pushimit të Super Bowl 2027.
Reperi i famshëm, i cili luan një rol kyç në zgjedhjen e artistëve për këtë event, thuhet se po vlerëson mundësinë që të jetë vetë ai protagonisti i mbrëmjes.
Sipas Puck News, Jay-Z ka kaluar disa javë duke reflektuar se cili artist do të ishte zgjedhja më e përshtatshme për një nga ngjarjet më të rëndësishme sportive në botë.
Në përfundim, ideja që ai të performojë vetë në skenë duket se është konsideruar më tërheqëse sesa zgjedhja e Miley Cyrus ose Justin Bieber, të cilët raportohet se kanë qenë gjithashtu ndër kandidatët për Super Bowl LXI.
Ndeshja e madhe pritet të zhvillohet më 14 shkurt 2027, në stadiumin SoFi, në Kaliforni.
Jay-Z ka një rol të rëndësishëm në organizimin e spektaklit muzikor të Super Bowl përmes kompanisë së tij, Roc Nation.
Në vitin 2019, kompania thuhet se nënshkroi një marrëveshje me vlerë rreth 5 milionë dollarë në vit për prodhimin e spektaklit të pjesës së pushimit.
Marrëveshja u rinovua në vitin 2024 edhe për pesë vjet të tjera.
Përzgjedhja e artistëve për këtë skenë prestigjioze ka shkaktuar herë pas here polemika.
Një shembull ishte Bad Bunny, emri i të cilit për spektaklin e vitit të kaluar nxiti reagime të shumta, veçanërisht nga kritikët që kundërshtuan faktin se ai performoi në gjuhën spanjolle.
Ndërkohë, sipas raportimeve, Justin Bieber dhe Harry Styles kanë qenë gjithashtu në listën e artistëve që Roc Nation ka shqyrtuar për spektaklin e ardhshëm.
Për momentin, nuk ka një konfirmim zyrtar se kush do të ngjitet në skenën e Super Bowl 2027.
Megjithatë, nëse Jay-Z zgjidhet për këtë performancë, publiku do të ketë mundësinë ta shohë reperin në një prej skenave më të mëdha të muzikës dhe sportit botëror. /Prive By LS
Burimi: privebruto.com
