Të shtunën, Sali Berisha u kthye në selinë e Partisë Demokratike, duke e përdorur atë si një bazë ushtarake. Ish-SHQUP-i u rikthye në rolin e tij biologjik, si bazë armatimi për të sulmuar Tiranën dhe qytetarët e saj.
Sulmi i pasdites së të shtunës dukej i organizuar mirë, pasi armatimi vinte nga selia blu. Kjo u provua edhe me pamje filmike.
Sulmi me armatim të sofistikuar
Këtë herë armatimi ishte më i sofistikuar. Nuk u përdorën molotovë, por bomba gazi me kallëp plasës.
Flamuri i paqes me Gjekmarkajn në krah ia la vendin dhunës së udhëhequr nga Nallbati dhe Gjin Gjoni.
Dirigjenti, Sali Berisha, mesa duket e dinte. Ai nuk doli në skenë as paradite, as pasdite. Dhunën e ndoqi nga shtëpia, ndërsa direktivat i jepte përmes WhatsApp.
Nuk është rastësi që që në fillim të protestës, kryeministri Edi Rama, si dhe kreu i grupit parlamentar socialist, Taulant Balla, akuzuan vetëm një person.
Akuzat dhe përgjegjësia
Madje ata i dhanë Sali Berishës edhe titullin e fundit shkencor.
Të shtunën, kreu i PD-së vërtet e meritoi doktoraturën e re: dhunën që ai frymëzon e ngriti në një nivel tjetër.
Një nivel që Tirana nuk do ta harrojë dhe do t’ia kujtojë ditën e zgjedhjeve./abcnews.al
Burimi: abcnews.al
