Aktivistët e lëvizjes “Jo në emrin tim” kanë njoftuar se subjekteve politike u është lënë një periudhë prej tridhjetë ditësh për të shqyrtuar sërish Projektligjin për Dhomat e Specializuara në Kuvendin e Kosovës. Këtë e bëri të ditur Çlirim Haziri, një nga organizatorët e protestave.
Kërkesa për reflektim nga partitë
Sipas Hazirit, pritet që të gjitha forcat politike të tregojnë reflektim, në mënyrë që ky proces të mbyllet me dinjitet.
“Ky ligj ka një afat prej një muaji për t’u përmbyllur si proces në Kuvendin e Republikës së Kosovës. Ne do të presim që të gjithë së bashku të reflektojnë dhe ta përfundojmë në mënyrë dinjitoze këtë betejë që e kemi me Gjykatën Speciale, që të marrë fund ky rrëfim dhe këto përplasje politike”, u shpreh Haziri.
Burimi: insajderi.org
