Tiranë – Bllokuan rrugën dhe penguan qarkullimin e automjeteve gjatë tubimeve të dy ditëve të fundit, ndaj 37 personave u janë vendosur masa administrative.
Në zbatim të Aktit Normativ nr. 5, datë 28.10.2026, pika 2 e nenit 24/1, janë plotësuar 37 procesverbale për konstatimin e kundërvajtjeve administrative të kryera gjatë tubimeve të zhvilluara më 9 dhe 10 nëntor 2026 në bulevardin “Dëshmorët e Kombit”. Shtetasit bllokuan rrugën dhe penguan qarkullimin e mjeteve të transportit, pavarësisht thirrjeve të përsëritura të punonjësve të Policisë nëpërmjet megafonit.
Për secilin prej tyre është vendosur masa administrative gjobë prej 5 000 lekësh.
Burimi: abcnews.al
