Galeria e artit Humber Street në Hull të Anglisë ka prezantuar një plan për ripërtëritjen e ambienteve të saj, me qëllim që të lehtësojë aksesin për vizitorët dhe të tërheqë një audiencë më të gjerë.
Projekti parashikon vendosjen e një ashensori të re, zgjerimin e hapësirës së barit në tarracë si dhe modifikime në fasadën e ndërtesës. Ndërhyrjet përfshijnë gjithashtu përmirësimin e ambienteve të ekspozitave, zyrave dhe punëtorive të artistëve.
Humber Street Gallery dhe plani i aksesueshmërisë
E hapur në vitin 2017, Humber Street Gallery synon të krijojë një ambient më mikpritës dhe më të aksesueshëm për të gjithë. Drejtori ekzekutiv i galerisë, Dave McLeavy, ka njoftuar se projekti është hartuar në bashkëpunim me Hull Access Group, për të marrë parasysh nevojat e përdoruesve të karrocave, personave neurodivergjentë dhe vizitorëve me dëmtime në shikim ose dëgjim.
Megjithatë, zbatimi i projektit mbetet i kushtëzuar nga sigurimi i financimit përmes Arts Council England.
Zhvillimi i zonës Fruit Market në Hull
Nisma është pjesë e një vizioni më të gjerë për zhvillimin e zonës Fruit Market, e cila gjatë dekadës së fundit ka kaluar nëpër një proces rigjallërimi, duke u shndërruar në një hapësirë me dyqane të pavarura, lokale dhe institucione kulturore.
Kryetari i Këshillit të Qytetit të Hullit, Mike Ross, ka vlerësuar rëndësinë e kësaj zone për banorët dhe vizitorët, duke theksuar rolin e saj në tërheqjen e publikut edhe nga qytete të tjera.
Përtej zgjerimit të infrastrukturës, projekti synon të forcojë lidhjen mes artit dhe jetës publike, duke e bërë galerinë një hapësirë më të hapur, gjithëpërfshirëse dhe të integruar në zhvillimin kulturor të qytetit./KultPlus.com
Burimi: kultplus.com
