Prokuroria Themelore Publike në Veles ka siguruar një urdhër për kontroll në disa lokacione, si pjesë e procedurave kundër një personi të dyshuar për “Mashtrim”, sipas nenit 247, dhe “Mjekësi e rrallë”, sipas nenit 209 të Kodit Penal, raporton Telegrafi Maqedoni.
Hetimi për mashtrim me “vaksina kubaneze”
Autoritetet po mbledhin prova në lidhje me dyshimet se personi në fjalë, me qëllim përfitimi të paligjshëm, ka mashtruar disa persona duke u ofruar atyre gjoja “vaksina kubaneze” kundër kancerit.
Gjatë kontrollit të kryer në vendin e punës së të dyshuarit në Veles, u gjetën materiale që do t’i nënshtrohen ekspertizës forenzike. U sekuestruan gjithashtu pajisje elektronike, ndërsa masat e mëtejshme të verifikimit vazhdojnë.
Prokurori publik përgjegjës po merr në pyetje personat e dëmtuar dhe individë të tjerë që mund të kenë informacione relevante për hetimin e plotë të rastit.
Masat e sigurisë dhe gjendja e të dyshuarit
Ndërkohë, Prokuroria Themelore Publike në Veles ka propozuar që gjykata të vendosë masa sigurie: sekuestrimin e dokumentit të udhëtimit të të dyshuarit dhe detyrimin që i dyshuari të paraqitet në gjykatë.
I dyshuari aktualisht është i shtruar në një institucion mjekësor, ku i është dorëzuar vendimi për masat e vendosura. Pas marrjes së informacioneve dhe gjetjeve të mëtejshme, Prokuroria Publike dhe Ministria e Punëve të Brendshme vazhdojnë punën për sigurimin e provave./Telegrafi/
Burimi: www.albeu.com
