Një përplasje rrugore ka ndodhur në rrugën nacionale Berat–Lushnjë, afër fshatit Barbullinjë, ku një autobus që kryente linjën Berat–Tiranë është përplasur me një makinë të markës BMW.
Si pasojë e përplasjes, disa udhëtarë të autobusit, kryesisht turistë të huaj, kanë pësuar dëmtime të lehta. Shoferi i BMW-së është dërguar me urgjencë në spital. Bazuar në informacionet fillestare, automjeti BMW i ka dalë përpara autobusit. Drejtuesi i autobusit ka vepruar me frenim, por përplasja nuk është shmangur, dhe si rezultat makina ka përfunduar në barrierën mbrojtëse të një aktiviteti biznesi.
Policia Rrugore ndodhet në vendin e ngjarjes dhe po zhvillon veprime hetimore për të sqaruar shkaqet e aksidentit. Ndërkohë, pasagjerët po presin një mjet tjetër nga agjencia e udhëtimit për të vazhduar rrugën drejt destinacionit.
Burimi: www.balkanweb.com
