Prania e misionit të EULEX-it në Kosovë është rritur pranë pikave kufitare me Serbinë.
Ky shtim vjen pasi shumë qytetarë të komunitetit serb po udhëtojnë drejt Serbisë për të votuar në zgjedhjet atje.
Monitorimi i situatës në terren
Në një njoftim për media, misioni bëri të ditur se po monitoron gjendjen në terren.
Sipas njoftimit, që nga orët e para të ditës së zgjedhjeve në Serbi, EULEX-i ka shtuar patrullat e Njësisë Policore të Specializuar pranë pikave kryesore të përbashkëta të kalimit mes Kosovës dhe Serbisë. Patrullat po monitorojnë situatën në koordinim me Policinë e Kosovës dhe misionin e KFOR-it të udhëhequr nga NATO, në kuadër të mekanizmit tre-nivelësh të reagimit të sigurisë.
Burimi: www.albeu.com
