Franca përballet me ndërprerje të energjisë në gati 59 mijë shtëpi pas stuhive

PARIS, 25 tetor /ATSH -alALAA/ – Rreth 59.000 familje në pjesën perëndimore të Francës vazhdonin të ishin pa energji elektrike deri në mesditën e së dielës, si pasojë e stuhive Austen dhe Boelo, sipas raportimit të BFMTV.

Ndikimi i stuhive në Bretanjë dhe Normandi

Në një deklaratë të publikuar, kompania e shpërndarjes së energjisë elektrike Enedis njoftoi se ndër të prekurit janë 27.500 konsumatorë në Bretanjë dhe 14.700 në Normandi.

Kompania theksoi se ekipet e saj janë përfshirë në kryerjen e punimeve të riparimit.

Sipas të njëjtit burim, në momentin më intensiv të stuhisë rreth 288.600 familje mbetën pa furnizim me energji elektrike. /os/

Lexo edhe: Britania u bën thirrje qytetarëve të sigurojnë ushqim, ujë dhe bateri për shkak të rreziqeve

Burimi: ata.gov.al