Pasi shpërtheu një çantë e dyshimtë në zonën e Akademisë së Platonit në Athinë, e cila eksplodoi sapo u hap nga policia dhe shkaktoi plagosjen e katër personave, një çantë tjetër e dyshimtë është zbuluar në Pire.
Një ekip i Departamentit të Asgjësimit të Municioneve Shpërthyese (TEEM) ka shkuar në vendin e ngjarjes për të inspektuar valixhen e braktisur.
Zona u rrethua menjëherë, pasi forcat e sigurisë janë në gatishmëri të plotë si pasojë e shpërthimit të mëparshëm me bombë në një pallat banimi në Akademinë Platonos.
Sipas njoftimit të Policisë Helenike, qarkullimi i automjeteve është ndaluar në kryqëzimin e rrugëve Iroon Polytechniou dhe Karaoli & Dimitriou. Më pas, trafiku u pezullua edhe në Rrugën Tsmaadou, nga niveli i Rrugës Notara deri në nivelin e Rrugës Karaiskou.
Policia e trafikut është vendosur në vendngjarje dhe po devijon makinat që kalojnë në rrugët përreth, duke shkaktuar trafik të rënduar.
Burimi: lajmifundit.al
