Kylie Jenner duket se synon ta çojë lidhjen me Timothée Chalamet në një fazë tjetër, por aktori sipas raportimeve nuk është ende i gatshëm për martesë. Sipas burimeve të Page Six, biznesmenja e famshme i ka bërë të qartë partnerit të saj se e konsideron martesën si pjesë të së ardhmes së tyre së bashku.
Megjithatë, 30-vjeçari nuk duket se ndodhet në të njëjtën fazë me Kylie-n. Një burim i afërt me çiftin pohon se Chalamet e do partneren e tij dhe është i angazhuar në këtë marrëdhënie, por nuk ndihet ende i gatshëm për të marrë një vendim kaq të rëndësishëm.
Sipas të njëjtit burim, Kylie nuk i ka vënë aktorit ultimatume dhe as nuk i ka kërkuar hapur një unazë fejese. Megjithatë, ajo po e bën të njohur dëshirën e saj, me shpresën që ai të jetë i gatshëm për këtë hap sa më parë.
Një faktor tjetër që mund të ndikojë në këtë situatë është marrëdhënia e motrës së saj, Kendall Jenner, me aktorin Jacob Elordi.
Sipas Page Six, personat pranë familjes mendojnë se Kendall dhe Elordi mund të fejohen përpara Kylie-t dhe Chalamet, edhe pse lidhja e tyre ka filluar më vonë. Kjo situatë thuhet se ka shkaktuar xhelozi dhe frustrim tek Kylie, e cila dëshiron të nisë një kapitull të ri në jetën e saj sentimentale.
Ndërkohë, marrëdhënia e Kendall-it me aktorin e serialit “Euphoria” përshkruhet nga burimet si gjithnjë e më serioze, me Elordin që thuhet se është i bindur për të ardhmen e tyre së bashku.
Kylie Jenner dhe Timothée Chalamet u lidhën për herë të parë në prill të vitit 2023 dhe, që atëherë, kanë mbajtur një marrëdhënie që shpesh e ruajnë larg vëmendjes së publikut.
Përpara romancës me aktorin, Kylie ishte në një lidhje me reperin Travis Scott, me të cilin ka dy fëmijë, Stormi dhe Aire. Çifti u nda në janar të vitit 2023.
Burimi: indeksonline.net
