Ylli i njohur i futbollit, Karim Adeyemi, ka tërhequr përsëri vëmendjen e publikut dhe të mediave, pasi u pa duke arritur në stadium me një makinë që mban targat e Republikës së Kosovës.
Makina me targa të Kosovës
Në pamjet që u përhapën gjerësisht, shihet automjeti luksoz i futbollistit i pajisur me regjistrim të rajonit të Ferizajt me kodin “05”, një lidhje e ngushtë kjo me partneren e tij, reperen e mirënjohur shqiptare Loredana Zefi, e cila ka prejardhje nga ky qytet.
Nuk është hera e parë që Adeyemi shkon drejt ambienteve sportive me një makinë të regjistruar në Kosovë.
Reagimet e fansave shqiptarë
Prania e targave të Kosovës në automjetin e futbollistit ka shkaktuar sërish reagime dhe komente të shumta pozitive nga tifozët shqiptarë në rrjetet sociale, të cilët e kanë vlerësuar këtë detaj.
Edhe këtë herë, mbërritja e tij në stadium me simbolet e Kosovës u regjistrua nga kamerat dhe tifozët e pranishëm, duke u kthyer menjëherë në një nga temat më të diskutuara të ditës.
Burimi: insajderi.org
