Aktori i mirënjohur kosovar, Shkumbin Istrefi, ka shprehur tronditje të thellë pas ngjarjes tragjike të vrasjes së Arlinda Zekajt, e cila dyshohet se u ekzekutua nga kunati i saj.
Reagimi i Shkumbin Istrefit
Në një deklaratë publike, Istrefi theksoi se viktima kishte njoftuar më parë institucionet e drejtësisë për kërcënimin ndaj jetës së saj, raporton Indeksonline.
“Është e tmerrshme ajo që ndodhi me vrasjen e Arlinda Zekajt. Viktima e kishte sinjalizuar rrezikun për jetën e saj në organet e drejtësisë. Nuk arrij ta kuptoj se si mund të ndodhin lëshime të tilla. A është e mundur që jemi kaq të papërgjegjshëm? Është shokuese. Tmerr. U prehtë në paqe Arlinda”, ka shkruar ai.
Kërkesa për vëmendje ndaj paralajmërimeve
Ngjarja ka shkaktuar reagime të shumta dhe ka nxitur kërkesa për trajtim më serioz të sinjalizimeve për rrezik, si dhe për përgjegjshmëri më të madhe institucionale në rastet e dhunës./Indeksonline/
Burimi: indeksonline.net
