Aktori britanik Callum Turner ka filluar provat para kamerave për rolin e James Bond, ndërsa procesi i zgjedhjes së pasardhësit të Daniel Craig duket se po shkon drejt përfundimit.
Sipas Daily Mail, aktori 36-vjeçar u shfaq të premten në studiot Bray në Berkshire, ku pritet të vlerësohet nga drejtuesit e projektit.
Turner, i njohur për rolet në filmat Fantastic Beasts dhe Emma, prej kohësh është përmendur si një nga kandidatët për rolin e agjentit 007. Ai u martua me këngëtaren Dua Lipa në fillim të këtij viti.
Kandidatët e tjerë për rolin e James Bond
Në garë për këtë rol janë përmendur edhe aktori Jack Lowden, i njohur nga seriali Slow Horses, Josh O’Connor, i cili luajti në The Crown, si dhe aktori australian Jacob Elordi.
Sipas raportimeve, provat do të zhvillohen gjatë fundjavës dhe në fazën përfundimtare kanë mbetur rreth tre deri në pesë aktorë.
Afati i vendimit dhe regjisori i filmit të ri
Producentja Amy Pascal kishte deklaruar në gusht se përzgjedhja e aktorit të ri mund të përfundonte deri në fund të vitit.
Një vendim deri në dhjetor do t’u mundësonte drejtuesve të nisnin përgatitjet për xhirimet e filmit të ardhshëm gjatë vitit 2027.
Filmi i ri do të drejtohet nga Denis Villeneuve, regjisori i sagës Dune. Megjithatë, deri tani nuk është bërë një njoftim zyrtar për aktorin që do të marrë rolin e James Bond. /Telegrafi/
Burimi: indeksonline.net
