Blue Ivy po provon se talenti artistik është pjesë e trashëgimisë së familjes. Vajza e Beyoncé dhe Jay-Z ka befasuar publikun duke iu bashkuar babait të saj në skenën e stadiumit SoFi në Los Angeles, gjatë një koncerti me bileta të shitura plotësisht.
Në moshën 14-vjeçare, ajo mori rolin e saj në performancë duke luajtur në tastierë, ndërsa reperi interpretonte dy nga këngët e tij të njohura, “The Story of OJ” dhe “Dead Presidents”. Prania e saj në skenë u shndërrua në një nga momentet e veçanta të mbrëmjes, duke treguar se Blue po eksploron gjithnjë e më shumë botën e muzikës.
Rëndësia e koncertit për Jay-Z
Konçerti kishte një rëndësi të posaçme për Jay-Z, pasi ishte pjesë e festimeve që shënojnë 30-vjetorin e albumit të tij të parë, “Reasonable Doubt”, si dhe 25-vjetorin e albumit ikonik “The Blueprint”.
Mes spektatorëve ishte edhe Beyoncé, e cila kishte ardhur për të mbështetur bashkëshortin dhe vajzën e tyre. Këngëtarja e ndoqi koncertin nga një suitë VIP, ku u pa duke shijuar muzikën dhe duke kaluar kohë me dy ish-koleget e saj nga Destiny’s Child, Kelly Rowland dhe Michelle Williams.
Profilin artistik në rritje të Blue Ivy
Ndërkohë, Blue Ivy po ndërton gradualisht profilin e saj artistik, duke u shfaqur gjithnjë e më shpesh në skenat e mëdha. Ajo ka qenë pjesë e turneve “Renaissance” dhe “Cowboy Carter” të së ëmës, ku ka tërhequr vëmendjen me performancat e saj në kërcim.
Këtë herë, megjithatë, e reja tregoi një anë tjetër të talentit të saj, duke iu bashkuar të atit përmes muzikës dhe duke dëshmuar se mund të ketë shumë më tepër për të ofruar sesa paraqitjet e saj si kërcimtare.
Burimi: bordo.al
