Gjatë ditës së së mërkurës, Këshilli i Ministrave, me propozimin e kreut të qeverisë, miratoi emërimin e dy zv/ministrave të reja.
Me vendim të Këshillit të Ministrave, Anila Rexha është caktuar në detyrën e zëvendësministres së Shëndetësisë dhe Mirëqenies Sociale.
Komunikatë e Kryeministrisë:
VENDIM PËR EMËRIM NË DETYRË
Në bazë të nenit 100 të Kushtetutës dhe pikës 2 të nenit 6 të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, sipas propozimit të Kryeministrit, Këshilli i Ministrave
V E N D O S I:
Znj. Anila Rexha emërohet zëvendësministre e Shëndetësisë dhe Mirëqenies Sociale.
Ky vendim hyn në fuqi menjëherë dhe publikohet në “Fletoren zyrtare”.
Ndërsa Kevin Bufi është emëruar zëvendësministër për Evropën dhe Punët e Jashtme.
Në bazë të nenit 100 të Kushtetutës dhe pikës 2 të nenit 6 të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, sipas propozimit të Kryeministrit, Këshilli i Ministrave
V E N D O S I:
Kevin Bufi emërohet zëvendësministër për Evropën dhe Punët e Jashtme.
Ky vendim hyn në fuqi menjëherë dhe publikohet në “Fletoren zyrtare”.
Burimi: top-channel.tv
