Një aksident i rëndë rrugor ku u përfshinë tre automjete ka ndodhur në aksin hyrës të autostradës në Durrës, pak pas kalimit të urës së Shkozetit.
Aksidenti në aksin hyrës të autostradës në Durrës
Sipas raportimeve fillestare nga vendngjarja, përplasja ka qenë e fuqishme dhe si pasojë njëra nga makinat e përfshira ka përfunduar e përmbysur në mes të rrugës. Përplasja e tri mjeteve ka shkaktuar bllokim të përkohshëm të rrugës dhe vështirësi të shumta në qarkullimin e mjeteve që lëvizin drejt daljes nga qyteti i Durrësit dhe hyrjes në autostradë.
Policia Rrugore dhe grupi hetimor në vendngjarje
Në vendin e ngjarjes pritet të mbërrijnë shërbimet e Policisë Rrugore dhe grupi hetimor për të normalizuar qarkullimin, si dhe për të kryer veprimet procedurale që do të sqarojnë dinamikën dhe shkaqet e plota të përplasjes.
Burimi: www.gazetatema.net
