Gazetarët dhe operatorët që po raportonin nga protesta përpara Kryeministrisë nuk kanë mbetur të paprekur nga sulmet gjatë ditës së sotme. Një grua që merr pjesë në protestë, e njohur për videot e saj të shpërthyera në TikTok, ka sulmuar fizikisht dhe me fjalë përfaqësues të shtypit dhe operatorë që po xhironin ngjarjet në ditën e tetë të protestës që ka trazuar kryeqytetin shqiptar.
Momenti është kapur në video, ku duket incidenti i pakëndshëm mes protestueses dhe punonjësve të medias që ndodheshin në vendngjarje për të raportuar mbi protestën. Pas fyerjeve, ajo u turr drejt operatorëve dhe u përpoq të dëmtojë njërën prej kamerave. Menjëherë aty u mblodhën më shumë njerëz për të qetësuar situatën.
Ngjarja përbën një episod tjetër tensioni ku objektiv i sulmeve janë punonjësit e medias.
Burimi: shqiptarja.com
