Një rast tjetër i dyshuar i dhunës ndaj fëmijëve në një kopsht është raportuar në qytetin e Korçës. Policia vendore ka bërë me dije arrestimin e një edukatoreje të kopshtit nr. 6 të këtij qyteti juglindor, e cila është denoncuar nga nëna e një fëmije katër vjeç për dhunë fizike dhe psikologjike ndaj djalit të saj.
Denoncimi i nënës dhe arrestimi i edukatores
Pas denoncimit dhe arrestimit të edukatores, nëna e fëmijës ka deklaruar për mediat edhe rrethanat që e çuan drejt denoncimit, pasi më parë kishte biseduar disa herë me edukatoret dhe me drejtoreshën e kopshtit lidhur me ankesat që i tregonte fëmija, por pa marrë ndonjë zgjidhje.
Sipas policisë, e cila ka nisur hetimet, edukatorja e ndaluar në Korçë akuzohet për veprën penale të keqtrajtimit të të miturve.
Burimi: lajmifundit.al
