NATO do t’i mundësojë Ukrainës blerjen e armëve, municioneve dhe pajisjeve ushtarake përmes agjencisë së saj të centralizuar të prokurimit, duke i dhënë potencialisht Kievit zyrtar mundësinë të sigurojë furnizime mbrojtëse më shpejt dhe me kosto më të ulët, raporton Financial Times të enjten.
“Kjo i ofron Ukrainës mundësinë për të pasur një kornizë më të strukturuar për të përfituar nga një gamë e gjerë aftësish që ne ofrojmë: ekspertizë prokurimi, shërbime mbështetëse dhe qasje në bazën industriale”, ka deklaruar për FT drejtoresha e mbështetjes së operacioneve në Agjencinë e Mbështetjes dhe Prokurimit të NATO-s (NSPA), Jacqueline Borsboom.
Marrëveshja vjen në një moment kur marrëdhëniet SHBA-Ukrainë janë përkeqësuar që kur presidenti i SHBA-së Donald Trump njoftoi këtë muaj një marrëveshje eksporti nafte me Rusinë për të ulur çmimet e karburantit në SHBA.
Ukraina është ankuar për ndërprerje në shkëmbimin e disa informacioneve të inteligjencës dhe në përdorimin e sistemit satelitor Starshield, megjithëse presidenti i Ukrainës, Volodymyr Zelensky, ka thënë se pas një takimi në Oslo të martën me të dërguarin amerikan, Steve Ëitkoff, është rënë dakord për të zgjidhur këto çështje.
Burimi: lajmifundit.al
