Rusia ka dhënë reagimin e saj të parë pas disfatës së Aleksandër Vuçiçit në zgjedhjet parlamentare në Serbi. Kremlini shpreh shpresën që udhëheqësit e rinj të vendit të ndërtojnë marrëdhënie konstruktive me Moskën, ndërsa ka çmuar kontributin e Vuçiçit në bashkëpunimin mes dy shteteve.
Deklarata e Kremlinit
Zëdhënësi i Kremlinit, Dmitri Peskov, theksoi se bashkëpunimi me Rusinë përputhet me interesat e Serbisë dhe se Moska synon të vazhdojë zhvillimin e marrëdhënieve me Beogradin.
“Bashkëpunimi me Rusinë është në interes të Serbisë dhe i dobishëm për vendin. Sa na përket neve, synojmë të vazhdojmë të bëjmë gjithçka që është e mundur për të nxitur zhvillimin e marrëdhënieve tona me Beogradin. Por, siç e dini, për tango duhen dy vetë. Jemi njohur me rezultatet e zgjedhjeve në Serbi. E vlerësojmë shumë kontributin e Vuçiçit në zhvillimin e marrëdhënieve tona dypalëshe”, deklaroi zëdhënësi i Kremlinit.
Peskov shtoi se Moska shpreson që Vuçiç të vazhdojë të kontribuojë në marrëdhëniet mes dy vendeve edhe nga opozita.
Burimi: www.gazetatema.net
