Rrjeti amerikan i lajmeve Fox News i ka dedikuar një shkrim protestave që kanë shpërthyer në disa vende evropiane, duke i përshkruar ato si të shoqëruara me përplasje, arrestime dhe shtim të masave të sigurisë. Në artikull përmenden protestat e dhunshme që kanë vijuar prej disa ditësh në Tiranë, ndërkohë që theksohet se demonstratat e nisura në Francë lidhen me ANTIFA-n dhe me grupe të tjera të ekstremizmit të majtë.
Masat e sigurisë dhe arrestimet në Francë, Itali e vende të tjera
Në Francë, autoritetet mobilizuan 70 mijë policë, ndërsa më shumë se 1 300 persona u arrestuan. Në Itali, qeveria dërgoi 500 ushtarë shtesë në Milano dhe miratoi masa më të rrepta kundër vandalizmit. Fox News raporton gjithashtu për rreth 200 arrestime në Belgjikë dhe 128 në Barcelonë. Në Greqi, demonstratat kaluan kryesisht pa përplasje të mëdha.
Ftesa për dialog në Tiranë dhe reagimet e qeverive
Në Tiranë, artikulli nënvizon ftesën e kryeministrit Rama për dialog me protestuesit, një ftesë e refuzuar prej tyre.
Udhëheqësit e vendeve të përfshira kanë dënuar dhunën dhe dëmtimin e pronës, ndërsa kanë paralajmëruar pasoja për përgjegjësit. Qeveritë kanë ndërmarrë masa të ndryshme, nga shtimi i forcave të sigurisë deri te ndëshkimet më të ashpra për vandalizëm.
Burimi: www.gazetatema.net
