Goli i barazimit 2-2 i shënuar nga Woltemade, si dhe një gol tjetër i anuluar për pozicion jashtë loje, nuk ishin të mjaftueshëm për t’i siguruar fitoren skuadrës bardhezi. Koopmeiners dhe Vicario shprehën zhgënjimin e tyre për këtë rezultat.
Koopmeiners: Reagimi në pjesën e dytë ishte i rëndësishëm
“Reagimi në pjesën e dytë ishte i rëndësishëm. Mendoj se e meritonim fitoren. Më vjen keq për golin e tretë, nuk e di çfarë ndodhi”, deklaroi Koopmeiners, duke iu referuar golit të anuluar.
“Na vjen shumë keq që nuk fituam 3-2. Nga pjesa e dytë duhet të marrim gjërat pozitive për ndeshjen e radhës, por duhet të analizojmë edhe golat që pësuam”, shtoi holandezi.
Vicario: Barazim me shije të hidhur
Në të njëjtën linjë ishte edhe Vicario: “Është një barazim që na lë shije shumë të hidhur, sidomos për atë që prodhuam në pjesën e dytë. Mendoj se sot e meritonim fitoren, por nuk ia dolëm. Pas dy ditësh kemi një tjetër ndeshje, ndaj duhet të rikuperojmë dhe të përqendrohemi te Lecce”.
Burimi: telesport.al
