Këngëtarja e mirënjohur shqiptare, Ingrit Gjoni, ka njoftuar për një nga shumat më të larta që ka përfituar gjatë një koncerti, duke treguar se në një mbrëmje muzikore në Mbretërinë e Bashkuar kishte marrë 72 mijë funte (afërsisht 86 mijë euro) si bakshish.
Shuma rekord në një koncert jashtë Londrës
E ftuar në emisionin “Live me Luizin”, artistja u pyet për shumën më të madhe që kishte marrë gjatë koncerteve të saj, si në Shqipëri, ashtu edhe jashtë vendit.
Gjoni tregoi se bëhej fjalë për një koncert në një qytet jashtë Londrës, ku ajo kishte performuar së bashku me dy muzikantë të tjerë. Sipas saj, shuma prej 72 mijë funtesh ishte mbledhur brenda vetëm dy orësh. Gjatë bisedës, këngëtarja shpjegoi se marrëdhënia e saj me publikun ka ndryshuar dukshëm gjatë dhjetëvjeçarit të fundit, periudhë në të cilën hitet e realizuara me Gjeto-n e kanë afruar më shumë me fansat dhe atmosferën e koncerteve.
Mirënjohje për publikun dhe fansat
Ajo u shpreh mirënjohëse për dashurinë që ka marrë gjatë udhëtimeve dhe performancave në vende të ndryshme të botës, duke theksuar se publiku është ndër gjërat më të rëndësishme për të.
Burimi: www.kosovarja-ks.com
