Një punonjëse e arsimit parashkollor në Korçë është ndaluar nga policia, me dyshimin se ka ushtruar dhunë ndaj një fëmije katër vjeç në çerdhen ku ai frekuentonte.
Denoncimi i nënës dhe reagimi i policisë
Rasti ka dalë në dritë falë një ankese të paraqitur nga nëna e të miturit. Ajo i është drejtuar autoriteteve pasi vuri re që gjendja e djalit të saj nuk ishte e mirë prej disa ditësh. Sipas të dhënave fillestare, fëmija ka rrëfyer se ishte rrahur nga edukatorja.
Pas kallëzimit, strukturat e Komisariatit të Policisë Korçë kanë ndërmarrë veprimet hetimore, duke përfshirë edhe shqyrtimin e regjistrimeve filmike.
Në mbyllje të verifikimeve, edukatorja është vënë në pranga për veprën penale “Keqtrajtimi i të miturve”.
Burimi: euronews.al
