Këngëtarja Xhensila Myrtezaj u përball me një situatë të papëlqyeshme gjatë një prej koncerteve të saj të fundit, kur një adhurues u përpoq ta puthë pa pëlqimin e saj ndërsa ajo po performonte pranë publikut.
Në videon që po shpërndahet gjerësisht në rrjetet sociale, dallohet momenti kur një djalë i ri shtrin dorën, e kap këngëtaren pas koke dhe tenton ta tërheqë drejt vetes për ta puthur.
Reagimi i Xhensila Myrtezaj
Xhensila reagoi menjëherë, duke i larguar dorën dhe duke u tërhequr disa hapa më pas. E acaruar nga ky veprim i befasishëm, ajo ndërpreu për pak çaste këngën dhe iu drejtua të riut me fjalët: “Ngadal, ngadal o vëlla!”
Situata shkaktoi të qeshura mes disa prej të pranishmëve në publik, ndërsa këngëtarja nuk e fshehu pakënaqësinë për sjelljen e adhuruesit.
Megjithatë, pas këtij episodi, Xhensila vendosi ta vazhdojë performancën, pa lejuar që incidenti ta ndërpresë koncertin.
Burimi: www.kosovarja-ks.com
