Këngëtarja Ronela Hajati ka dhënë disa hollësi për rrugëtimin e saj në muzikë dhe për të ardhurat që i ka sjellë një nga këngët e saj më të njohura. E ftuar në emisionin “Live me Luizin”, artistja u përgjigj edhe kureshtjes së Luiz Ejllit mbi shumat që mund të fitojë nga muzika e saj.
Ronela Hajati dhe fitimet nga kënga “Sekret”
Gjatë bisedës, Ronela tregoi se kënga “Sekret”, me të cilën përfaqësoi Shqipërinë në Eurovision, i ka sjellë rreth 30-40 mijë dollarë të ardhura vetëm nga Spotify. Sidoqoftë, këngëtarja e vlerësoi këtë shifër si të vogël në krahasim me fitimet e arritura nga këngë të tjera shqiptare.
Pjesë nga intervista:
Luizi: Cila është shuma më e madhe që ke marrë nga Youtube nga një këngë e jotja?
Ronela: “Sekret”, kënga e Eurovision.
Luizi: Ne jemi shqiptarë, e duam të dimë sa është shifra?
Ronela: 30-40 mijë dollarë vetëm nga Spotify. Krahasuar me shifrat që kanë bërë këngë të tjera shqiptare, kjo është qesharake.
Luizi: Po në Eurovision sa shpenzove?
Ronela: 30-40 mijë.
Luizi: Ti paske dalë me borxhe.
Burimi: bordo.al
